《海鮮粥底火鍋》必食推介?
天氣凍冰冰，打邊爐就最好不過！之前試過一間粥底火鍋舖念念不忘，丸子媽決定要用小美還原?希望係屋企都可以食到餐廳嘅味道?粥底火鍋嘅粥底先用小美煮好大半（米粒煮熟但不開花)，之後就到最重要嘅海鮮喇！今次準備咗六款不同海鮮同埋其他配料，先食海鮮打邊爐，後食其他配料！最後就係重頭戲有滿滿海鮮精華嘅粥品?呢個真係超！好！食！???一大班人聚餐，煮呢個海鮮粥底火鍋個個都讚不絕口！絕對係必食之選！???? 快啲一齊整啦！
鍾意丸子媽嘅食譜大家記住俾個❤️ 你哋嘅支持係我嘅動力喔❗️
1. 今次準備咗六款不同海鮮:-生魚去骨去潺切片(可以請熱心魚檔叔叔幫手)
-鮮鮑魚跑活水洗淨( 5分鐘/50度/速度5)
-肉蟹去腮清潔乾淨(用刷清洗背、腹，蟹鉗等等)
-花甲吐沙跑活水(10分鐘/50度/速度4)
-鮮蝦去腸去鬚洗淨-大尾魷去細骨切片洗淨
2. 新鮮鮑魚用小美設定5分鐘/50度/速度5跑活水洗淨，跑活水原理是利用水流的衝擊把食物的污垢沖出來！你看到的這些泡泡全是污垢！平常我們用手洗是沖不出來的！ 另外一斤花甲要跑活水和吐沙，用小美設定10分鐘/50度/速度4 ,吐沙完成！花甲口微微張開，小美跑活水吐沙方便快捷，不需再花時間浸泡！
3. 圖中可見吐沙後嘅水十分污糟，所以小美的跑活說功能真的很強大！把不能做的都變成可能！主鍋清洗乾淨，就可以準備一量杯米，倒入網窩用水沖洗後放入主鍋，再加入2公升水， 用小美設定20分鐘/98度/速度1烹調
4.這種淡淡的粥水，米粒和水分離就是我們想要的粥底火鍋湯底！從圖片可看到米粒已熟透，但沒有開花，待會放入火鍋再煮就剛剛好！
拿出隔篩，倒出米水在火鍋煲上，米粒隔水備用
5. 一切準備就緒就可以開始打邊爐！先食海鮮，可以參考以下時間表，食完一款海鮮再放下一款確保可以品嚐到口感最好的海鮮不會過生或者過熟
肉蟹比較厚身，可以用刀背敲碎除殼較方便！
海鮮烹調最佳時間表參考:
**時間以水沸騰后開始計算**
-肉蟹10至13分鐘
-鮑魚5至6分鐘
-鮮蝦2至3分鐘
-花甲2至3分鐘
-生魚片2至3分鐘
-大尾魷20-30秒
6. 當打完邊爐後，所有食材食完，用筲箕把剩餘所有食物和蜆殼拿出來，確保只剩下海鮮精華的湯底之後放入芋頭南瓜粒各100g和備用的米飯，細火煮10分鐘期間不停攪拌以免癡底，10分鐘後用筲箕撈起粥底，用湯匙壓平成蓉，之後可以根據個人喜好放入配料，我準備了蔥粒菜脯粒冬菜芫荽（菜脯粒冬菜建議用水先清洗沖去多餘鹽分）開中火滾1分鐘，趁熱享用！
7. 這個集合六款海鮮和肉類以熬成的精華粥品，鮮味十足一試難忘！絕對係年度最佳粥品之選！必食！