《冰糖陳皮燉檸檬》冬天必飲🥃
今日凍咗好多，開始轉天氣喉嚨有啲唔舒服，而大家都知丸子媽屋企長期都一定有檸檬看門口🍋，忽然諗到不如整個冰糖燉檸檬，坊間隔水燉嘅方法普遍都要用12個鐘頭以上，但係小美嘅獨特之處就係可以控制溫度，可以精準咁控制溫度在90度做出低溫燉煮的效果😉烹調同收汁加埋只需100分鐘！足足比平常做法快咗七倍！仲慳咗好多人力物力煤氣，設定烹調模式後，我去瞓咗一個鐘頭午睡🤣🤣 烹調完成之後放涼就會變濃稠，放入雪櫃雪一晚第二日仲會更加杰身，放多幾日更加入味喔！每次拿出適量檸檬加水超好飲～～又潤喉又好飲！材料做法簡單 ！快啲一齊整啦🤗
丸子媽小貼士分享💡
想檸檬不變苦澀，必須要先跑活水把檸檬表面的蠟質去除和挑出檸檬核喔！而且盡量選擇皮薄肉多的檸檬🍋
三個檸檬跑活水，8分鐘50度速度5，由於檸檬需要醃製，所以用跑活水去除表面蠟質能有效清除殘留的農作物
檸檬必須抹乾，去除頭尾，切成一樣厚度的檸檬片備用
每片檸檬在燈光下檢查確保除去檸檬核！否則會變苦澀
頭尾檸檬可保留在雪櫃吸味或清潔！
三片陳皮預先浸軟，用刀刮去囊，切成條狀備用
器皿用蒸氣消毒，熱水模式後10分鐘100度速度2放乾直至冇油冇水，主鍋必須冇油冇水，放入一層檸檬，一層陳皮和一層冰糖（總共500g冰糖)
一層一層疊上所有食材，設定80分鐘90度反刀湯匙速度
之後打開量杯蓋，設定20分鐘varoma反刀湯匙速度收汁
冰糖陳皮燉檸檬完成了！用埋內置的自動清洗功能，糖油模式清潔輕鬆完成！倒入器皿放涼後會變得濃稠，拿出適量沖冷熱水都好飲，放入雪櫃保存！