《千層紅棗糕》棗味濃，煙靭Q彈💯
賀年糕點裏仲有一樣丸子媽都好鍾意嘅紅棗糕😋可以話係我嘅第二最愛
(第一永遠都係蘿蔔糕🤣)紅棗糕可能唔係度度有得賣，因為都算係心機之作！
半斤紅棗先得一底糕，絕對係足料啖啖都係紅棗香😙蒸起上嚟煙煙韌韌又Q彈,千層版一層一層去蒸仲可以搣出嚟食，食得又玩得😝
紅棗糕有兩款另一種就係將原粒紅棗連渣打碎，但係我較鍾意嘅紅棗糕就係只取其紅棗水，清澈透亮，味道香甜！剩返嘅紅棗渣仲可以要來沖水飲tim!
我試咗幾次唔同嘅比例，做到煙靭Q彈但又唔會太實身，除咗主要嘅木薯粉同馬蹄粉之外加少少糯米粉去中和效果更理想！
呢隻紅棗糕相信你屋企嘅長輩都會好鍾意❤️快啲整黎比佢哋食啦！
丸子媽賀年特輯仲會繼續更新唔同嘅糕點喔，密切留意👀
鍾意丸子媽嘅食譜大家記住俾個❤️
你哋嘅支持係我嘅動力喔❗️
紅棗糕的準備材料有:
木薯粉，糯米粉，新疆大紅棗，馬蹄粉，增城片糖
半斤大紅棗300g放入網窩跑活水 （買大紅棗較甜喔）
5分鐘/37度/速度4去紅棗表面灰塵
然後用剪刀剪開一半去核，原粒紅棗去核較新鮮味道也較濃郁
把去核後的紅棗放入主鍋，加入850ml清水
蓋上主鍋蓋設定40分鐘/100度/反刀速度1烹調，完成後保持蓋上主鍋蓋焗1小時會更出味喔！
1小時過後打開主鍋蓋放入網窩，一手按着網窩邊隔出紅棗水
紅棗也可以拿出輕輕按壓，隔出更多紅棗精華!
現在大約剩下450ml水(不夠可加水)之後倒回主鍋
再放入140g增城片糖風味更佳（没有可用普通片糖或紅糖代替）
設定6分鐘/100度/速度1溶化片糖，然後打開蓋放涼20分鐘至溫熱
用磅秤功能量度180g木薯粉，40g馬蹄粉，20g糯米粉稍為混合一下
把所有粉類過篩備用，馬蹄粉較大粒要給點耐性過篩
然後待紅棗糖水稍為降溫，就可慢慢分數次倒入粉類混合
初時會較吃力，麵粉吸收後慢慢加水會變順滑，加一茶匙油
最後再過篩多一次會更順滑！
主鍋加水（大概2公升）之後開啟熱水模式，水滾後設定60分鐘/varoma/速度1
然後放上塗上油的糕盤在蒸鍋組內，每4分鐘倒入100ml粉漿(每次倒前必須攪拌，粉漿易沉底）
一層一層疊上，直至所有粉漿完成
然後放上錫紙蓋上表面（用牙籤吉穿一點洞透氣）
繼續剩餘的時間蒸煮
完成後打開放涼 ，可熱食或者雪一晚倒出
切成數份，可重新蒸煮8分鐘趁熱食，煙煙韌韌！很好吃
我也試了另一個版本不做千層直接蒸煮紅棗粉漿，效果也不錯
一口一個不用切更方便我喜歡！