446
0

原味 綠茶Tiramisu

446
閱讀時間: 2 分鐘

《原味/綠茶Tiramisu》意大利版本

食完大餐點少得甜品做ending 呢?

今次就同大家分享呢個意大利軟身版本嘅Tiramisu,記得幾年前去意大利旅行,喺當地試佢哋嘅Tiramisu真係好好食?軟身得來淡淡咖啡酒味,唔會太膩,一啖接一啖!反而喺香港試過,由於店舖鍾意硬身比較容易分裝,又加咗魚膠粉又加咗忌廉,變相冇咗傳統Tiramisu 應有嘅味道!

今次憑着記憶再參考同改良cookidoo嘅tiramisu 食譜,製作左兩種口味嘅Tiramisu ☺️希望大家鍾意!食譜嘅份量只係一隻味,但係因為今次呢個係party size所以我用咗雙倍份量!而好榮幸地俾咗呢個Tiramisu一位意大利朋友嘗試佢都好滿意?得到意大利人嘅肯定好開心呀?

最後提早預祝大家聖誕快樂??

希望大家喺屋企都可以煮到一個既溫暖又有愛心嘅聖誕大餐俾你愛嘅人❤️

鍾意丸子媽嘅食譜大家記住俾個❤️

你哋嘅支持係我嘅動力喔❗️

首先準備雞蛋四隻(日本可生食雞蛋),蛋黃和蛋白分開放在冇油冇水的器皿內備用

主鍋冇油冇水,放入蝴蝶棒(放入大刀片和細刀片中間,轉一圈確保卡實就可)倒入四隻蛋白,設定3分鐘/0/速度4打發,期間打開量杯蓋,分次加入50g赤藻糖醇(0卡,天然甜味劑)或者可以用冰糖粉/砂糖代替也沒有問題

3分鐘蛋白打發完成,真的超方便!完全不需要手動攪拌器了!

蛋白反轉不會倒下來就為成功了!拿出蛋白備用

之後主鍋不用清洗,直接放入四隻蛋黃,再加入20g赤藻糖醇或冰糖粉/砂糖,設定1分鐘/0/速度3.5打發

再加入Tiramisu必備的馬斯卡彭芝士(預先室溫放軟30分鐘)一盒500g

芝士放入主鍋和蛋黃混合物混合,設定40秒/0/速度4混合

加入一小份量的蛋白,設定10秒/0/速度3混合,之後把其餘的蛋白輕輕分次混合芝士混合物裏直至順滑為止

<原味Tiramisu做法>

預先用熱水沖泡咖啡+蘭姆酒(沒有可省略)放涼備用,

放涼後,準備器皿,把手指餅兩邊快速浸在咖啡中,然後拿出整齊排列在器皿內,一層沾上咖啡的手指餅,一層芝士混合物,如此類推直至器皿滿為止

<綠茶Tiramisu做法>

預先用130g熱水沖泡宇治綠茶粉4g混合至粉末溶化放涼備用

<綠茶Tiramisu做法>

綠茶混合液放涼後,準備器皿,把手指餅兩邊快速浸在綠茶中,然後拿出整齊排列在器皿內,一層沾上綠茶的手指餅,一層芝士混合物,如此類推直至器皿滿為止,放入雪櫃雪4小時以上或過夜

雪凍凝固後,灑上防潮朱古力粉或綠茶粉,如果想造型可以再灑上糖粉做裝飾!

由於我這次準備的是party size,用一盒芝士500g做了一隻味,所以家用的兩隻味加起來用一盒芝士500g份量就好!

© 2022 MAMAYUEN.COM. All Rights Reserved. 版權所有 不得轉載