《小美一鍋四出晚餐》減少煩惱之選
有時諗煮咩飯諗到頭都煩，一鍋多出至方便，慳水慳力慳時間！尤其是夏天，最怕企喺廚房開爐頭大汗踏細汗，有小美就算成部機拎出廳涼住冷氣煮飯都得😝 冇油煙煮食完全唔使怕！而且一次搞掂四個餸菜營養滿分💯 有魚有豆腐有肉有飯仲有湯，一家人晚餐都輕鬆搞掂🤭簡直係神助手當之無愧！
鍾意丸子媽嘅食譜大家記住俾個❤️你哋嘅支持係我嘅動力喔❗️
小美一鍋四出晚餐 準備材料有：
《低升醣飯》米 150-200g，水 1000ml
《節瓜鹹蛋肉片湯》節瓜 600g，鹹蛋兩隻，水 500ml，豬冧肉 150g
豬肉醃料：1.5茶匙豉油，1茶匙油，適量鹽和胡椒粉
《薑蔥手撕雞》薑蔥蔥頭各適量，雞髀兩隻，鹽一茶匙，紹興酒一湯匙
生抽一湯匙，蠔油半湯匙，糖半茶匙，滾油適量，芝麻適量
《菜脯蒸魚腩豆腐》菜脯 50g，魚腩 400g，豆腐一盒
魚腩醃料：半湯匙豉油，1湯匙蠔油，半茶匙鹽，一茶匙生粉
一湯匙油，薑絲適量
兩隻雞髀和豬冧肉放入網窩加水，設定10分鐘/50度/速度4
跑活水清潔，泡泡通通走出來！
豬冧肉洗淨抹乾切片，用豬肉腌料醃製備用
雞髀洗淨抹乾，用適量鹽和紹興酒醃製備用
菜脯浸水10分鐘備用，魚腩切粗條放入魚腩醃料備用
菜脯揸乾水放回主鍋，用8秒/速度6打碎
準備薑蔥醬汁，先放入薑，用6秒/速度6打碎
蔥切條浸水備用，菜脯蒸魚腩先放豆腐底
放上魚腩最後鋪上菜脯備用
主鍋加入米沖水洗淨再加入1公升水設定25分鐘/varoma/速度3.5
蒸煮時間會根據碟的厚度和食材有所加減
底部可以用矮身蒸架托高讓空氣流通
雞腿面放上薑片和蔥頭，放入蒸鍋組一起蒸煮
倒數18分鐘放上魚盤繼續蒸煮！
蒸煮完成！可以趁熱加上蔥粒和蒸鱼豉油
雞腿蒸煮完成拿出，浸入冰水降溫，這動作可以令雞皮更爽滑！
米飯完成可以拿出放入保溫鍋，收水保暖5至10分鐘口感更佳！
米水保留再加入500ml水，放入切件節瓜和鹹蛋黃設定10分鐘/100度/反刀0.5
最後5分鐘從量杯口加入肉片，最後1分鐘加入鹹蛋白速度增加至反刀速度1
雞腿用手撕開，準備薑蔥醬汁：薑蓉，蔥，白芝麻，生抽，蠔油，糖加滾油
雞件倒入醬汁混合，薑蔥手撕雞完成！和菜脯蒸魚腩，低升醣飯，節瓜鹹蛋肉片湯，一鍋四出攪掂！