《小美綿綿雞粥》30分鐘輕易完成
今日起身突然之間好想好想食雞粥，諗起以前兩個人住元朗會半夜三間落街食宵夜雞粥🙈依家有小朋友亦都搬離咗元朗梗係冇咁自由！但係丸子媽有我嘅好拍擋小美隨時隨地都可以喺屋企輕易還原🤩
用小美煲粥真係！無！得！輸！
30分鐘已經開晒花超綿滑😍仲要過程完全唔使睇火唔黐底👏🏻我諗大家同你屋企嘅長輩講佢應該唔信🤣但係真心超推介！以後你想食咩粥係屋企都可以輕易做到，大人小朋友都啱💕
半隻雞件跑活水5分鐘/50度/速度5
滿滿的泡泡污垢，見到都怕！底下也是污水，所以跑活水是必須的！
用清水清潔乾淨，小美50度溫水可有助保持肉質鮮嫩！
雞件洗淨抹乾 加入醃料，加入兩湯匙蠔油，一湯匙豉油，鹽糖各一茶匙 （圖片寫錯了），適量麻油胡椒粉
混合，加入適量薑絲，再混合後放置半小時備用
準備150g白米（1.5個量杯容量），加入半茶匙鹽和適量麻油混合
放置5分鐘入味，加入 1200ml水，倒入白米，設定30分鐘98度速度1
最後10分鐘暫停，打開蓋放入雞件，音樂響起加入蔥粒就完成！