《荷葉蒸臘味糯米飯》健康版免生炒！
上次整完煲仔飯，今日想同大家分享呢個荷葉糯米飯，一樣好啱冬天食😋暖笠笠
平時喺街食嘅生炒糯米飯，好香但係滿口油膩，喺屋企做嘅不如來個健康版用荷葉蒸一樣唔錯喔！風味十足😎
同埋食糯米飯梗係要配個香烤花生啦🤟🏻用小美內置食譜嘅高溫模式新鮮炸花生真係超正！！一個鍋搞掂曬！啱晒鍾意方便嘅你！
想新年整唔同嘅愛心糕點送俾親戚朋友？小美絕對幫到你！🙌🏻
鍾意丸子媽嘅食譜大家記住俾個❤️
你哋嘅支持係我嘅動力喔❗️
開啟高溫食譜-香烤花生，食材放入100g花生，再加入50ML油 （或者根據食譜加倍份量）
高溫食譜在沒有測試下請嚴謹按照食譜的食材份量製作以免燒焦
卡上防油蓋，高溫模式手動調校至15分鐘
炸花生原來都可以咁輕鬆，趁熱拿出隔油放涼，唔彈油仲超香脆！
放涼後加半茶匙鹽撈勻，就咁食都好好味！
兩個量杯份量的糯米浸發過夜，直至用指甲可以弄斷一半為佳
乾冬菇直接加水放入網窩浸發設定15分鐘/37度/速度5
話咁快就浸發完成！太方便啦！
蝦米25g浸熱水備用，準備一片荷葉，放入熱水2-3分鐘至軟身，拿出備用
蝦米隔水放入主鍋，加入適量油設定3分鐘/120度/速度1爆香
放入臘腸潤腸各一條切塊，冬菇四粒浸發好切粒
設定3分鐘/120度/0.5速度爆香，再放入糯米
加入生抽，蠔油一茶匙，老抽一湯匙，半茶匙糖和適量胡椒粉
所有材料準備好，設定8秒/0/反刀速度了混合
混合好就放入荷葉上
荷葉包放入蒸鍋組合，主鍋加1.8L水，開啟埶水模式
完成後卡上蒸鍋組，設定35分鐘/varomna /速度2烹調，完成後焗10分鐘
打開看糯米軟硬度是否合適！明火煎一隻蛋漿切條成蛋絲
糯米飯完成後趁熱，放上蛋絲炸花生和蔥粒即成！