《日月魚青紅蘿蔔湯》清肝明目❣️
任何年齡湯水都少不了，如果你同丸子媽一樣經常要對住電話電腦工作，非常推薦你飲呢款湯水💕我好鍾意用日月魚煲湯，味道清甜好飲，簡單配個青紅蘿蔔粟米螺片已經甜到唔使落鹽🤭
小美煲湯，出名快靚正！唔使睇火唔收水 放晒啲材料落去已經可以出街🙌🏻減埋湯渣都有六碗湯，我四人家庭剛剛好！唔使每次整太多第二日又要返熱！材料仲減半添!
我都唔知幾耐冇開火爐了🤪🙌🏻
鍾意丸子媽嘅食譜大家記住俾個❤️你哋嘅支持係我嘅動力喔❗️
日月魚青紅蘿蔔湯 準備材料有:
日月魚40g
蜜棗2粒
螺片40g
急凍豬展280g
粟米，紅蘿蔔 ，青紅蘿蔔全部各半條就夠！
小美跑活水可以把肉類血水和污垢逼出來，肉味會更鮮甜！
豬展先放入網窩加水蓋過表面，設定8分鐘/50度/速度4 跑活水
日月魚，螺片加水蓋過表面，設定5分鐘/37度/速度4 跑活水
紅蘿蔔青紅蘿蔔粟米各半條切件，主鍋底放入保刀蓋(没有可省略）
再放入所有材料加水到max位2.2L線，設定70分鐘/100度/反湯匙
不用睇火輕鬆完成！甜味十足，鹽都唔使落呀！