《朱古力榛子生吐司》鬆軟朱古力味濃!!
《朱古力榛子生吐司》鬆軟朱古力味濃
上次整完原味，好評如潮，話咁快成條清哂😆
今次老闆要求要朱古力味，一於又試吓！之前整蛋糕剩返嘅榛子粉加埋入去一於嚟個朱古力榛子生吐司🥳
做法同原味差不多，加咗榛子粉之後調整少少水量，出到嚟嘅效果一樣好食！
朱古力粉用上法國valrhona，朱古力味特別濃😋大家都可以試吓喔！
請緊記由於生吐司系列含水量極高，所以麵團很濕潤是正常的！可以用手粉防黏，操作會更方便🤲🏻
麵包製作講求溫度濕度麵粉吸水度發酵時間等等，多練習成功率就會高喔💪🏼
丸子媽都不是第一次整麵包就成功，我都試過無數失敗才掌握到要訣，多練習再接再厲，要加油喔😙
備注這是450g 吐司模具一個的份量
鍾意丸子媽嘅食譜大家記住俾個❤️
你哋嘅支持係我嘅動力喔❗️
朱古力榛子生吐司準備材料有：
先準備湯種：20g高筋麵粉+100ml水
其他材料包括：
高筋麵粉220g，朱古力粉10g，糖25g，酵 3g
蜜糖20g，牛奶100m，淡奶油40ml，煉奶15g,
鹽3g，榛子粉40g，牛油20g
先做湯種
把20g高筋麵粉放入平底鑊，加入100ml水中火混合
湯種濃稠凝固即可，拿出放在碗內用保鮮紙蓋上
保鮮紙貼在湯種表面以防乾涸，放涼後放入雪櫃備用
（快速方法：可以放涼後放入冰箱急凍10分鐘即可用）
主鍋放入日本高筋麵粉220g，加入10g朱古力粉valrhona
再放糖25g，酵母3g，先用20秒速度3混合，再放入湯種
放入蜜糖20g，放入牛奶100ml
放入淡奶 40ml，再放入煉奶15g+鹽3g
開啟麵團模式2分鐘混合，然後加入榛子粉40g,再開啟麵團模式1分鐘混合
加入20g無鹽牛油，再開啟麵團模式4分鐘混合
生吐司含水量極高緊記要用手粉防黏
麵團墊上塗上麵粉更容易操作
可以倒轉主鍋，麵團連同刀頭倒在麵團墊上處理更方便
滾圓收口放入器皿發酵60分鐘全兩倍大
發酵兩倍大後手指沾上麵粉插在麵團中間提起麵團不黏手為發酵成功！
用手按壓排氣再平均分為三份
（可以用小美內置稱重功能量度麵團總重量再÷ 3就知道每個麵團的重量）
放在密封器皿上發酵鬆弛15分鐘或用毛巾蓋上以防變乾
拿出一份灑出乾粉用杆麵棒壓干排氣
壓平排氣足夠令表面光滑，兩邊再向中間摺疊
再用杆麵棒壓平，然後從上而下卷
卷到最下面用手指把末瑞壓平，收口會更貼服！
麵團緊貼做出來的麵包組織更完整！
放入吐司模密封環境作第二次發酵60分鐘至兩倍大
發酵完成預熱焗爐，放入焗爐設定160度35分鐘即成！
生吐司出爐每邊登一下登走水氣，不要心急，等待放涼後切件
朱古力味生吐司特別濃郁！也超好食呀！