《朱古力榛子蛋糕》情人節甜品是必須的！
早幾日出完情人節食譜，點可以少得甜品呢～今日同大家分享一個朱古力榛子蛋糕，用小美做朱古力戚風加小美打嘅榛子忌廉，全程解放雙手去準備，你嘅手動攪拌器都可以送俾人呀😙甜品都可以輕鬆做到，朱古力加榛子嘅味道真係好夾，一層蛋糕一層忌廉仲有榛子粉口感滿分，希望大家都可以隨時做一個愛心甜品比心愛嘅人啊💕
鍾意丸子媽嘅食譜大家記住俾個❤️你哋嘅支持係我嘅動力喔❗️
先準備四隻蛋，蛋白蛋黃分開，主鍋必須冇油冇水主鍋卡上蝴蝶棒，
放入蛋白設定3分鐘速度3.5打發，期間分二至三次從量杯口倒入40克糖
打發至乾性發泡，組織綿滑提起有尖角就好,蛋白霜取出備用
不用清理主鍋，加入牛奶60g菜油45g,設定15秒速度2.5乳化
再加入過篩低筋面粉65g,鷹粟粉10g,朱古力粉10g,20秒速度3混合
再加入蛋黃，15秒/速度2.5混合,倒出備用
準備打發好的蛋白,用切拌法輕輕拌勻蛋白糊分數次輕輕拌入朱古力麵糊中
看到全部粉粒混合好為之完成！先準備預熱焗爐150度
準備六吋戚風模具，把麵糊從高處倒下
用筷子插入麵糊底部打圈混合，然後用力震一下除去麵糊的空氣
放入已預熱的焗爐150度35-40分鐘
出爐後立即震一兩下散熱氣，然後倒轉放涼在蒸架上，直至完全涼透才脫模
千萬不要心急！
清理主鍋無油無水卡上蝴蟝放入淡忌廉400g再放入榛子醬50g
最後放入糖25g，設定1分50秒凍度3.5打發忌廉，可打開量杯蓋看情況而定加減時間！
拿出忌廉放入冰箱備用，戚風蛋糕此時候已涼透的話可脫模
用刀圍著旁邊介一圈在厎部推上
用刀貼着底盤脫模，切去表面不平，面部裂開是正常的，分開成三片蛋糕
一層蛋糕，放上榛子忌廉，再加入榛子粉鋪平
一層疊一層直至完成，表面和旁邊塗上忌廉收口
放入雪櫃30分鐘冷藏備用
冷藏後取出，表面灑上防潮可可粉装飾
然後用唧嘴唧上忌廉圍邊，裝飾隨你喜歡
再灑上榛子粉装飾，完成後切件
朱古力同榛子醬味超級夾喔！