《杏汁豬肺湯》養顏潤肺，止咳化痰
而個湯想飲好耐?我唔中意杏霜味，偏偏杏汁豬肺湯又好中意！因為佢只係有淡淡杏汁味，但係超養顏?而呢個湯絕對係心機之作！豬肺要一大清早去街市先有，如果你有相熟豬肉檔仲可以預先叫師傅預留，加少少錢佢可以幫你清潔埋，真係慳好多功夫～～～亦都慳屋企好多水?
否則要自己買返嚟喺頸喉位注入水清潔，不停重複，直至豬肺變白色晶凝通透為止！
豬肺清潔步驟多，所以唔係好多餐廳肯做！但係煲出嚟嘅成品真係值嘅?如果你唔鍾意杏汁都可以用南北杏菜乾煲都好好飲㗎?
呢個冬天好乾燥，湯水真係太重要！
仲可以增強抵抗力，養顏潤肺！做冬煲呢個湯比屋企人一定大讚????
鍾意丸子媽嘅食譜大家記住俾個❤️
你哋嘅支持係我嘅動力喔❗️
有興趣購買美善品請PM?
要煲杏汁豬肺湯材料有:
豬肺，雞腳，薑片，金華火腿，白果，陳皮，蜜棗，南北行加水打成杏汁
豬肺通常很早就售罄，所以可以早一天請相熟肉檔留起，豬肺售價不高但清潔功夫多，絕對是心機之作！
未清潔前嘅豬肺真係好污糟，要不停用水喉泵水入肺重複又重複直至變透白，所以如果可以請豬肉檔幫手加工清潔豬肺真係慳唔少功夫喔！
首先準備杏汁，北杏和南杏大概1:5份量(北杏10g,南杏50g)浸水大概30分鐘備用
之後準備四隻雞腳跑活水設定5分鐘/50度/速度5,跑活水後沖水備用
豬肺加工清潔後回到家後期清潔也很重要！
豬肺在豬肉檔已預先幫忙灌水至白色和通透(節省不少功夫),
回家後再沖水多幾次切大嚿，豬肺之後會縮水的所以不要切太細
放上保刀蓋，之後放入所有豬肺加酒，薑片和水浸滿食材，用10分鐘/80度/反刀速度2 慢跑活水備用
豬肺跑步水後沖水隔水備用，開鑊冇油冇水中大火放入豬肺，倒出逼出來的水份，重複幾次，再加入紹興酒去腥，一直炒直至豬肺乾身為止！收乾水有點焦燶就好！
南北杏浸軟，沖水洗淨放入主鍋，加入300ml水，準備研磨2分鐘/0/速度10打碎，杏汁出來後用魚袋隔渣兩次備用
（杏汁必須冇渣幼滑先好飲）
放上保刀蓋（沒有可省略），放入豬肺，雞腳四隻，白果16粒，蜜棗2粒，金華火腿2片，薑片2片，陳皮1片浸軟刮囊
加水至2公升位，不用加太多水因為要預留杏汁水量
設定70分鐘/100度/返刀0.5速度
剩下最後10分鐘，打開量杯蓋，把杏汁倒入湯中繼續烹調，音樂響起完成了！加1茶匙鹽，顏色實在太吸引，香濃豬肺湯完成！