《枝竹羊腩煲》秋冬滋潤暖身‼️
而排香港天氣甘凍，打邊爐絕對係首選！之前整過椰子雞火鍋大家都好中意，今次想同大家分享羊腩煲火鍋😉羊腩煲唔係人人都鍾意食，最主要原因係有啲人唔食羊，或者怕羊羶味，所以去腥味呢個步驟好重要！必須清潔乾淨，用白鑊逼出羶味！咁就會好好食㗎啦😋羊腩亦都揀選黑草羊腩，急凍唔緊要嘅，我鍾意揀多肉位，盡量切細舊，食都會方便啲😇
水量我特登預多啲，因為食完羊腩可以順便打埋邊爐，正呀😋食完暖粒粒好啱而家天氣🥰配料方面個人喜歡，丸子媽鍾意用馬蹄，竹筍，冬菇，鮮腐竹，買漏咗竹蔗，否則加埋落去下火都唔錯😙大家一齊試吓❤️
鍾意丸子媽嘅食譜大家記住俾個❤️
你哋嘅支持係我嘅動力喔❗️
有興趣購買美善品請PM📭
羊腩煲必食材料有：羊腩，竹筍，鮮腐竹，花菇，馬蹄，腐乳加檸檬葉醬料
之後就係去腥，這個步驟很重要！
大概1.3公斤急凍羊腩放入網窩加水蓋過食材，跑活水清潔5分鐘/50度/速度5，沖水洗淨抹乾，放入白鑊，羊皮向下開中火烘乾，直至出味道倒入一圈紹興酒待蒸發
其後再沖入熱水，2至3分鐘飛水即可！用水沖洗乾淨備用
主鍋放入薑片乾蔥頭蒜頭蔥段加適量油3分鐘/120度/速度1爆香，半磚南乳加少少水混合四小嚿腐乳
加入一湯匙柱侯醬，一湯匙豆瓣醬
所有醬料準備好，3分鐘/120度/速度1爆香
加入羊腩，再加入去皮馬蹄，花菇浸軟切片，檸檬葉少許冰糖還有竹筍切片
加入熱水蓋過食材，再加入豉油蠔油各一湯匙，鹽半茶匙，設定60分鐘/100度/反刀湯匙速度
最後5分鐘加入鮮腐竹，音樂響起完成超香，倒出就可以打邊爐啦！先食羊腩配料加生菜之後再打邊爐😋