《桃膠銀耳燉牛奶》慢燉3小時甜品！
冬天天氣乾燥，大人同小朋友都需要甜品滋潤吓！同大家分享一個簡單養顏滋潤甜品-桃膠銀耳燉牛奶🥛今次用咗小美嘅慢燉功能-Slow Cooking出咗嚟嘅效果10分滿意！喺午飯後放晒所有材料入主鍋，三個鐘頭就食得啦！桃膠同銀耳都有滿滿膠質，三個鐘頭控溫慢煮全部起膠，同濃郁嘅牛奶恰到好處！呢種慢煮同平時用燉盅效果是不同的！很滿意💕絕對會encore試吓做其他甜品同大家分享😚
鍾意丸子媽嘅食譜大家記住俾個❤️你哋嘅支持係我嘅動力喔❗️
桃膠銀耳燉牛奶準備材料有:
蓮子12粒,桃膠20g,桂圓8粒,銀耳2只
枸杞適量,冰糖30g,大紅棗去核三粒
20g桃膠加水室溫浸發過夜,然後除去黑色雜質隔水備用
銀耳兩只跑活水浸發,設定10分鐘/50度/速度5
最後5分鐘加入紅棗蓮子桂圓一起跑活水清潔！
此方法可以快速浸發銀耳仲加埋其他配料當清潔！
銀耳去心備用，蓮子去心備用
乾淨主鍋放入桃膠，再除了杞子外放入全部配料
加入500ml水，開啟慢燉模式，設定3小時/98度一扭即啟動！
最後20分鐘打開量杯蓋放入全脂牛奶250ml，再最後5分鐘放入杞子
音樂響起完成了！急不及待要即刻試食！
膠質滿滿，慢燉功能很滿意！絕對係冬天必食養顏甜品！