《椰汁古法年糕》簡易做法煙靭超好味
嚟到最後一個賀年糕點，壓軸嘅就係椰汁古法年糕🙌🏻從前丸子媽唔太好年糕，但係唔知係咪人大咗，好鍾意呢種傳統嘅味道，煎香嚟食煙煙韌韌，加埋蛋仲正🤤而自己整嘅年糕並唔係想像中咁難，試過幾個唔同方法，我發現用小美醒麵1小時已經可以做到好煙銀好好食嘅年糕，做法一D都唔難！大家跟住我做一定會成功㗎💪🏼希望你哋都鍾意❤️
今年一口氣出咗六個賀年糕點食譜，希望大家都可以喺抗疫期間自家製愛心糕點俾親朋戚友，就算係海外嘅小美人都可以回憶港式嘅味道，讓大家感受多一點愛💕
鍾意丸子媽嘅食譜大家記住俾個❤️
你哋嘅支持係我嘅動力喔❗️
椰汁年糕的準備材料有: 份量大約兩底6-7吋年糕
糯米粉300g
澄麵粉60g
增城片糖230g
椰漿200ml
把增城片糖230g分細件放入主鍋，用turbo功能2秒×3次研磨打碎
然後加入200ml水，設定6分鐘/90度/速度0.5混合
最後1分鐘，速度加至2.5，打開量杯蓋，倒入200ml椰漿
倒出200ml椰糖水備用，其他留在主鍋內，稍為放涼，直至溫度降至55度
然後加入糯米粉300g和放入澄麵粉60g
全部麵粉倒入，然後可以開啟麵團模式2分鐘混合
打開用刮刀棒把黏在主鍋邊的粉刮往底部，再用30秒麵團模式混合
麵團混合後，蓋上主鍋蓋等待醒麵1小時，效果會更煙靭！
1小時後打開，麵團吸收完成！
再次開啟麵團模式3分鐘，然後從量杯蓋慢慢加入剩餘的椰糖水
最後30秒加入油20ml，粉漿混合完成
倒出過篩一次備用！
模具或蒸盤塗上油，倒入粉漿，這食譜分量可做24條魚的份量喔！
緊記要放上錫紙和吉窿窿唞氣，以防倒汗水今表面不平滑！
用蒸焗爐蒸煮60分鐘或明火爐用中火就可以，一點倒汗水都没有喔！
椰汁古法年糕完成！放雪櫃雪凍一晚，就咁煎香已經好好食！