《椰香黃金糕》煙韌好食！心機之作
丸子媽收到好多小美人訊息想學整黃金糕，而我朋友打俾我同我講平時買開黃金糕送禮嗰間麵包舖預訂已經售罄，要用炒價買添啊！咁誇張😵好啦我哋嚟個家庭版用小美製作呢個咁受歡迎嘅椰香黃金糕啦😙我反覆試過幾次，呢個食譜比例最滿意❤️
而材料其實也不多，做法亦都唔太難，但係要做到好似魚翅咁一疏疏紋路，發酵就好重要，要啲心機時間去等發酵完成出晒魚網泡泡，而焗爐溫度都好重要，之所以好似魚翅咁一疏疏紋路係因為先用下火烘焗令到麵糊升起，之後降低溫度只用上火焗熟就可以做到完美效果！
但係丸子媽同普遍大家都係，焗爐冇分上下火點算呢？唔緊要跟我方法出到嚟效果都理想嘅！
大家一齊試吓❤️雖然發酵時間較長，但係出到嚟嘅成品煙煙韌韌又有椰香味
真係好好食㗎！
黃金糕的準備材料有：
木薯粉200g，細椰漿165ml，冰糖粉140g，蛋黃6隻，全蛋2隻，耐高糖酵母1.25g=1/4茶匙，牛油30g
21×8×5cm長蛋糕模具×2個
把細罐裝椰漿165ml倒入主鍋，再放入冰糖粉30g+牛油30g設定4分鐘/100度/速度1煮溶
完成後倒出備用，清洗主鍋，確保冇油冇水，放入蝴蝶棒，轉一圈卡實
八隻雞蛋只取2隻全蛋和六隻蛋黃，其餘蛋白保留可作炒飯蛋糕燉蛋白等
主鍋放入雞蛋混合物，設定10分鐘/40度/速度4打發
期間分數次從量杯蓋口倒入剩餘的110g冰糖粉
完成後蛋液多順滑啊！只要打發到顏色變淺，體積發大就好了！
放入1.25g耐高糖酵母加30g温水，千期不要放熱水否則會燙死酵母的
稍為混合一下就好，主鍋放入過篩木薯粉200g，設定1分30秒/速度3倒入椰漿混合物
期間打開量杯蓋慢慢倒入椰漿混合物，然後酵母水也一同倒入
黄金糕混合物已完成，拿出大盤過篩一次
保持靜止用保鮮紙蓋上面，清洗主鍋加水2公升，把混合物放上蒸鍋組上，開啟發酵模式
設定4-6小時/40度靜止發酵
期間我也有打開檢查直至你看到表面有密密麻麻的泡泡才行
這樣才發酵完成！看實際情況環境溫度而定來決定時間
現在預熱焗爐190度，期間用油塗滿模具，建議放上牛油紙待回脫模更容易取出！
麵糊輕輕攪拌有泡泡正常的，然後平均倒入模具，
放入焗爐190度10分鐘，然後轉180度20分鐘
如家裏有上下火焗爐，頭10分鐘只開下火190度，之後20分鐘只開上火180度
完成後取出放涼，必須等待完全放涼後才脫模切件
切薄片然後反轉就可看到一絲絲魚翅紋了！煙煙韌韌又好味！滿足