《泰式酸辣凍烏頭》超簡單‼️
大熱天時啲餸熱辣辣真係冇乜胃口！
各位小美人可以試吓呢一隻泰式酸辣凍烏頭魚！超簡單，酸辣汁好開胃😬真係超好食！喺泰式餐廳食烏頭魚都唔平，自己整成本極低！買一條魚$35，再加指天椒蒜頭魚露等等加埋都唔使$40‼️😙夏天真係必食！記住買烏頭魚凍食的話，叫魚檔叔叔唔使去鱗片，蒸熟左之後放涼入雪櫃雪凍，食嘅時候用筷子夾起淡淡魚肉，真係會食唔停口😋
丸子媽大推介！！
烏頭不要打鱗，清潔乾淨後用鹽醃制30分鐘，放入薑片在魚肚和底部
主鍋放水，開啟熱水模式水滾後，卡上蒸鍋組15分鐘varoma速度1烹調
蒸熟後放涼，然後放入雪櫃雪兩小時以上
泰式酸辣汁：
指天椒兩隻切碎，兩粒蒜頭切碎，一粒青檸榨汁，魚露兩湯匙，糖一湯匙,豉油一茶匙
夏天食真係超正！