《清甜椰子雞火鍋》必食推介‼️
一路都好掛住呢個椰子雞火鍋，再配埋秘製醬汁，真係完美～～～
一路都好想再整，但係冇咗靈魂醬汁嘅配料就覺得點都爭啲！呢排天氣開始凍，打邊爐就必須啦，又令我諗起呢個椰子雞火鍋🙈買開餸嘅時候搵咗幾間都冇材料，諗住放棄啦，點知最後一間蔬菜店，竟然！竟然比我搵到沙薑同桔仔😭😭真係好感動🥲
即刻去買雞同椰子🥥配埋其他火鍋材料，終於可以食自家製椰子雞火鍋😌佢嘅特別之處係你可以一滴水都唔落，我太興奮所以買咗四個椰青😆但係如果你鍾意淡啲，其實可以買兩個椰青加水都得🙈先飲雞湯，後食雞，再打邊爐，完美啊😍😍
快啲買定材料星期六日打邊爐啦😘
丸子媽小貼士💡
-由於呢個湯係純椰青水比較清甜，所以雞最好揀濃味D嘅三黃雞或者龍崗雞，
-圖中我用咗四個椰青水一滴水都冇落，但係想清淡少少都可以用兩個椰青水加水代替
-沙薑同桔仔係靈魂醬汁嘅味道‼️
搵到當然最好，但係搵唔到都唔緊要當普通打邊爐咁😙
-出邊食嘅椰子雞火鍋唔會預先幫你將雞件跑活水，自己喺屋企食安心好多，如果唔係所有泡泡你就食晒落肚啦🙈所以跑活水是必須的‼️
沙薑去皮放入主鍋，5秒速度5切碎備用
指天椒去頂部放入主鍋，一樣5秒速度5切碎備用
原隻雞斬件分兩次放入網窩跑活水，5分鐘50度速度5清潔
第二次泡泡多到雞件都睇唔到！沖水洗乾淨抹乾備用
準備四個大椰青，去除頂部椰青外殼，沿着頂部位置，用反刀背圍著敲打，直至看到有凹位，用刀尖處嘗試撬開，刀身可以插入再加把勁繼續撬開，終於打開了超多椰子水！椰子肉也不浪費
椰子肉和椰青水分開備用，竹笙沖水幾次浸軟去除頭部備用
放入椰子肉椰青水薑和紅棗入打邊爐煲，水滾後放入雞件15分鐘煮熟
最後5分鐘放入竹笙和杞子
完成後可以打開享用了！不加一滴水超級清甜！
先飲椰子湯，後食雞點醬汁，再打邊爐正呀
靈魂醬汁必備有：指天椒，蒜蓉，芫荽，香蔥，沙姜，桔仔
沙姜同桔仔比較難搵到但係真係靈魂醬汁嘅味道！！
絕對去打邊爐必食醬料！味道更昇華😋😋😋