《湯種海苔肉鬆包》煲湯豬肉變豬肉鬆
煲湯剩返嘅瘦肉硬過石頭食吾到，但係小美就可以輕鬆幫你變豬肉鬆！無添加無防腐劑一樣咁鬆化😋真係大人細路都愛！為咗要好好善用呢個豬肉鬆，絕對要配返個手工湯種麵包😙
好耐冇整麵包啦，當初最吸引我嘅麵團功能絕對可以代替大大嚿嘅麵包機同廚師機，多功能神器就係一步到位，慳咗位置金錢同埋時間，麵包手套膜只需要8分鐘❗️絕對係烘焙愛好者嘅恩物❤️🔥
湯種係我最鍾意嘅麵包種類之一，鬆軟好食，保存期更加長！
一齊嚟睇吓我分享呢個湯種海苔肉鬆包😋以後大家記住要好好善用我哋煲湯嘅豬肉，環保不浪費，仲要好好食！
*自製肉鬆由於無防腐劑無添加劑，建議盡快食用！可以放雪櫃保存
*瘦肉必須選擇無脂肪無筋效果最理想
鍾意丸子媽嘅食譜大家記住俾個❤️你哋嘅支持係我嘅動力喔❗️
準備煲湯全瘦肉半斤，煲完湯後抹乾，放入主鍋
設定8秒反刀6拆絲再加入調味料15g糖,15g老抽，5g蠔油,3g鹽,拆絲超方便!!
設定25分鐘/varoma/反刀2.5,(必須打開量杯蓋)成品超美超鬆化！
最後2分鐘從量杯位加入適量紫菜,音樂響起海苔肉鬆就完成了！超方便!
把高筋麵粉15g+水75ml倒入平底鑊，開細火
不停攪拌慢慢會蠻濃稠拌勻至没有粉粒即成
稍為放涼後用保鮮膜蓋緊貼蓋上，放入雪櫃冷藏15分鐘以上備用
先放入高筋麵粉215g,糖20g,酵母5g,設定20秒速度2混合
再放入全脂牛奶85ml,雞蛋一隻,最後放入湯種混合物和鹽3g
設定麵團模式3分鐘混合,之後加入30g室溫冇鹽牛油,再設定麵團模式5分鐘混合
麵團完成後像這樣濕潤是正常的，枱面鋪上面團墊反轉主鍋打開底座
刀片連麵團會跌出來，這樣用刮刀棒更有助把麵團取出！
沾一些手粉（可防黏）滾圓麵團收口再放入大盤蓋上保鮮膜發酵60分鐘至兩倍大
冬天天氣溫度較低，可放在密封的地方加一碗熱水營造溫暖的氣溫有助發酵！
發酵前細小，發酵後明顯漲大，手指沾粉插麵團中間，麵團没有黏著代表發酵成功！
麵團取出，用杆麵棒排氣，平均分成8份
8粒麵團滾圓收口，蓋上保鮮膜鬆弛15分鐘備用
按次序取出每份麵團排氣，盡量壓平排氣
然後放上蛋黃醬，再放入自家製肉鬆
然後從上而下卷下來，也緊記按壓兩邊不要讓肉鬆跑走
用虎口位左右滾平收口位，放上防黏的紙模具上
整齊排好放入焗爐不開火作第二次發酵60分鐘至兩倍大
發酵完成又再漲大了，表面塗上薄薄蛋液放入預熱的娠爐180度15分鐘至金黃即成！
麵包出爐稍為放涼塗上適量蛋黃醬，
均勻塗上表面，再準備滿滿肉鬆
塗滿蛋黃酱那一面均勻沾上滿滿肉鬆
成品完成了很吸引！內外都有豬肉鬆超！好！食！