《自家製港式雲吞》足料大大粒好食！
大家都咁鍾意港式食譜，自家製餃子整得多，今次一於嚟個自家製港式雲吞😊材料簡單，買咗梅頭肉跑活水洗乾淨放急凍，要用隨時拎出嚟Turbo四至五次打成肉碎，方便快捷最重要係衛生又食得安心！放埋切碎蝦仁加埋靈魂配料大地魚粉，雲吞嘅感覺出晒嚟！自家製足料大大粒，整定放喺雪櫃打邊爐，煮麵，滾湯，方便又快捷！加埋自製雞粉做湯底😋完勝💯你都快啲試吓❤️
鍾意丸子媽嘅食譜大家記住俾個❤️你哋嘅支持係我嘅動力喔❗️
準備蝦仁300g解凍洗淨去腸切粒備用
梅頭肉400g預先跑活水洗淨（5分鐘/50度/速度4.5）切粒放急凍，要用隨時拿出不用解凍
冷藏梅頭肉直接放入主鍋，盡量分開不要重疊更容易打碎
開啟Turbo功能，設定2秒x4-5次打碎直至滿意為止！
放入蝦仁粒，加入豉油1.5湯匙，大地魚粉和油各1湯匙，糖和生粉各1茶匙
鹽半茶匙和半隻蛋漿，開啟麵團模式1分鐘混合
期間從量杯蓋慢慢加入30ml水，雲吞餡料話咁快完成了
雲吞餡經過麵團模式打發起膠更有口感喔！
倒出放入大碗準備包雲吞，準備雲吞皮四両，雲吞餡料
把餡料放在雲吞皮正中間大概一茶匙份量
然後用虎口位輕輕揑實，有蛋漿所以很容易黏實
用虎口位將封口位揑緊雲吞皮末端收口向下
自家製大大粒又足料！可放冰箱雪藏備用，煮麵打邊爐一流！