《自製雞胸肉丸》低卡低脂高蛋白💪🏻
繼之前做嘅雞胸肉系列食譜大家都非常喜愛，琴日做咗呢個雞胸肉丸大家都炸爆咗我inbox🤣
愛做運動或者愛健康的人就知道蛋白質多重要🔥
不單止可以增加肌肉，減少脂肪形成，仲可以加快新陳代謝！而且含有豐富蛋白質的食物都很飽肚，可以控制食量，減少高糖分吸收！總之就好處多多🤣
而雞胸肉絕對係高蛋白質食物中的表表者，又飽肚又低脂，只要你識煮，絕對唔會乾柴！
係非常好食😋
上次大家跟我用小美煮嘅慢煮雞胸肉，好多小美人都大讚超～嫩～滑～
又方便1小時搞掂！試過真係返唔到轉頭😚
今次雞胸肉再升級，來個超簡單又好食的雞胸肉丸🍡
❌沒有泡打粉
❌沒有添加劑
✔️純雞肉製造
✔️少量調味
✔低卡路里高蛋白質
大人小朋友都啱呀！
放湯煮麵打邊爐燒烤全部都冇問題😚
💡記住秘訣係要夠凍❄️❄️
雞肉一定要夠凍先容易打成起膠成型
跑完活水後就要放入急凍（放雪糕嗰格）冷藏兩小時❄️❄️
如果夏天操作的話有需要，可以再打的過程放入冰塊‼️‼️
或者如果整到一半變回常溫，請先放入雪櫃冷藏後再拿出繼續操作！
另外煮多咗嘅份量可以放入冰箱急凍冷藏
隨時拎出嚟食，就可以非常方便！
你都快啲試吓🔥
做佐記住回圖給丸子媽喔！
希望大家互相分享互相學習一齊努力，將小美用到盡咁先最抵㗎嘛🤭💕
鍾意丸子媽嘅食譜大家記住俾個❤️你哋嘅支持係我嘅動力喔❗️
想查看更多食譜可以用右上角搜尋器🔍輸入關鍵詞😉
亦可以在商店選購產品配件喔🛒🛍️
感謝大家的支持💕
自製雞胸肉丸 準備材料有：
-雞胸肉 400g
-薑 10g
-蔥 10g
-水 70ml
-粟粉 1湯匙
-鹽 5g
-糖 3g
-胡椒粉 2g
份量：20粒
雞胸肉放入網窩加水蓋過，設定5分鐘/50度/速度4清潔
跑活水把肉類污垢都沖出來！清潔乾淨，才食得安心
用廚房紙印乾雞胸肉切半切粗條，放入急凍冷藏兩小時備用！
緊記一定要急凍冷藏（放入雪糕嗰格）夠凍才可
期間準備薑蔥水，把薑，蔥和水放入主鍋
設定20秒/速度7打碎，倒出過濾薑蔥水，然後加入粟粉混合放置在雪櫃半小時備用
急凍過後的雞胸肉拿出放入主鍋，必須要夠冰凍喔！
用turbo功能2秒x4次打碎
放入鹽，糖，胡椒粉，設定麵團模式3分鐘開始，期間拿出薑蔥水分3-4次倒入
薑蔥水先攪拌均勻才倒入，而雞肉漿都要吸收水份後才倒下一次！
雞肉漿反轉不倒下就是成功起膠！拿出先放置在雪櫃裏備用
不用洗鍋，直接加入2.1L水再放入網窩
開啟熱水模式，選擇70度加熱
當水差不多到達70度後，拿出雞肉漿用虎口位唧出肉丸
不要弄得太大喔，否則放不下
水溫到達70度後熱水模式完結，手動再設定15分鐘/70度/速度2用匙羹沾水慢慢放入肉丸
全部浮起就成功了！wohooooo
放入所有丸後蓋上量杯蓋繼續煮，最後多加5分鐘/100度/定型即可！
完成後倒出浸冰水備用，會更彈牙喔！
這個健康高蛋白低卡丸就完成了！材料和做法非常簡單！
多做了可以放入冰箱冷藏保存，超彈牙又多汁，超級推介！
可以放湯煮面燒烤都一樣好食呀！