《西洋菜煎湯餃二食》冰箱必備❗️
琴日去買餸，見到冬天先有嘅西洋菜好靚，突然之間好想食餃子🥟餃子梗係自己包嘅好食😋又足料！啖啖肉，仲可以將自己鍾意嘅材料包埋一齊😃包好晒放入冰箱想食隨時拎出嚟煮麵或者煎餃都得🤗絕對係懶人恩物❤️ 除此之外，小美雲端食譜cookidoo仲有埋餃子書教你整餃子皮同埋包唔同嘅餡料🙌🏻
下廚原來是如此輕鬆和容易😙
半肥瘦豬肉（我用梅頭肉）一斤放入網窩，加水蓋過食材跑活水清潔5分鐘/50度/速度5，可以睇到跑活水把肉類嘅污垢都逼出來！沖水洗乾淨之後先醃肉安心好多！
之後放入密封袋放平保存，盡量不要重疊咁樣之後打碎會更容易，冰箱冷藏3小時以上
清潔好主鍋，開始準備其他配料，放入保刀蓋（沒有可省略），加水2公升，開啟熱水模式
預先挑摘西洋菜，浸鹽水清潔，熱水模式完成後放入西洋菜
由於底下有保刀蓋所以不會卡刀片（這裏是一束西洋菜份量，可增加）
設定30秒/0/反刀速度1（西洋菜很快就變軟，拿出隔水放涼），用手大力揸乾水，之後切粒備用！
（喜歡食菜建議加多一倍份量）
清空主鍋，放入蝦仁200g, 5秒速度4攪碎，如果鍾意保留蝦口感，可以省略這步驟，切粒備用
從冰箱拿出急凍豬肉放入主鍋，turbo 2秒x5-10次直至質感滿意，然後加入調味料，自製雞粉，大地魚粉，生抽，生粉各一湯匙，一茶匙糖，適量油，胡椒粉，用1分鐘麵團模式混合
然後加入西洋菜和蝦，再加麵團模式1分鐘混合
期間打開量杯加入兩湯匙水，像這個已起膠混合好的質感就對了
包餃子手法之前也有分享過這裏大概九兩餃子皮50多隻
煮水餃又係放保刀蓋或者用網窩開啟熱水模式，完成後設定8分鐘/100度/反刀速度1，打開量杯蓋放入餃子
水餃煮熟後會浮起上面，超方便！不怕刀片會弄爛！
然後可以準備兩茶匙自製雞粉，水餃直接倒入就完成了！
煎餃子湯餃子隨你喜歡❤️