《雙料臘味煲仔飯》免砂鍋簡單易做
冬天除咗飲暖暖湯水，臘味煲仔飯都係我嘅最愛❤️今次想同大家分享呢個雙料煲仔飯，點解係雙料呢因為又想食排骨又想食雞，所以一次過🤪再加埋臘腸同潤腸，大滿足！唔使特登買砂鍋，如果屋企有鑄鐵鍋就好方便啦😊
用小美將排骨雞件跑活水，將肉類嘅污垢沖走，之後嘅醃料會更加入味呀，要做到煲仔飯嗰種飯焦香，真係要用明火，每粒米粒都充滿着油香，真係超好食🤤丸子爸有投訴，就係飯太少😂下次要整多啲先得😙大家都快啲試下❤️
鍾意丸子媽嘅食譜大家記住俾個❤️
你哋嘅支持係我嘅動力喔❗️
跑活水清潔
半斤腩排跑活水5分鐘/50度/速度5肉類污垢通通跑出來！
所以千萬要先跑活水清潔乾淨後再醃製食物！！
半隻雞件跑活水5分鐘/50度/速度5
雞件污垢也是超多！相信你看完就會知道過往吃了多少污垢進肚裏！
腩排清洗乾淨用廚房紙抹乾
加入豉油兩湯匙，蠔油紹酒一湯匙，鹽糖各一茶匙，蒜蓉指天椒適量
醬料撈勻後，再加入一茶匙生粉和油混合醃製15分鐘備用
雞件清洗乾淨用廚房紙抹乾加入豉油兩湯匙，老抽蠔油紹酒一湯匙，
鹽糖各一茶匙，胡椒粉適量
醬料撈勻後，再加入一茶匙生粉和油混合，醃製15分鐘備用
兩個量杯蓋分量的米洗淨隔水放入鑄鐵鍋內加入少量油撈勻
加入適量水（比平常電飯煲煮飯的水少三份一因為排骨同雞都會出水）
開始冒蒸氣，蓋上蓋開中火煮滾，看到開始冒蒸氣，米粒有泡泡，轉中細火繼續煮
直到米粒表面收乾水，先轉細火
放入臘腸潤腸切片，排骨和雞件，直接表面全覆蓋
蓋上蓋，開回中大火，直至鍋內溫度變高，開始變熱
轉細火用15分鐘慢慢煮熟，之後關火焗15分鐘（期間請不要打開蓋）
細火！緊記要細火！
30分鐘後打開蓋香噴噴再開中細火
放入蔥粒（不喜歡可省略）
淋上煲行飯豉油，如果喜歡飯焦可以再蓋上蓋焗2-3分鐘
完成了！少少飯焦+充滿油香嘅飯粒，加埋滑雞同排骨太幸福了！