《鮮奶燉花膠》養顏美容必食‼️
有小美人之前問丸子媽浸發花膠方法💡咁就順便整埋個養顏滋潤甜品啦😝今次將成個燉盅放埋入蒸鍋組，超方便！唔需要再隔水蒸，又要驚煲乾水，又嘥煤氣！輕輕鬆鬆調教完時間就可以同小朋友玩，音樂響起就食得😋花膠加埋紅棗杞子銀耳桂圓，絕對係養生佳品！加埋香濃牛奶，皮膚唔靚都幾難🤣而膠質溶化喺牛奶當中，真係每一啖都係精華🤩
快啲一齊試吓！
丸子媽浸發花膠小貼士💡
-花膠乾蒸之前不要掂任何水，直接放在蒸鍋組內
-不要吝嗇薑片，上下或者裏面都放薑片，可以有助去腥
-每種花膠厚度不同，只要乾蒸完質感是橡筋可以彎曲就得啦！如果細隻花膠的話10至15分鐘都可以！質感決定時間🙌🏻
-浸發花膠嘅器皿必須要乾淨，沒有任何油份，密實盒就最方便！最好用過濾水或者礦泉水，同埋要定時換水！大概換兩至三次就可以！
-必須要放入雪櫃浸發‼️低溫嘅情況下浸發可以保留膠質，熱水會令膠質流失
-牛奶要用全脂奶‼️個人喜好鍾意亦都鍾意直接放去燉，
烹調時少許膠質直接溶化在牛奶當中
或者有啲人鍾意先加水，後加牛奶也可以！隨你喜歡👍🏻
-花膠厚度決定浸發時間，有需要可延長
-可預先浸發定多d，放入冰箱保存，想煲湯/整甜品隨時拎出嚟解凍就得啦😊
燉花膠材料有：
主角花膠，紅棗，銀耳，桂圓，寧夏杞子
準備乾花膠，開啟熱水模式，之後卡上蒸鍋，花膠上下各放兩片薑片辟腥味
20分鐘/varoma/速度1乾蒸
完成後花膠會變成橡皮質感能彎曲就可以了！
之後準備一個乾淨無油的器皿，注入過濾水，放入花膠浸發最少20小時，期間換2至3次過濾水,完成了你看！已經變大了幾倍，質感軟身，可以烹調了！看對比圖就可以說明！
準備材料，銀耳針發一粒去心，桂圓12粒，紅棗四粒切開一半去核，杞子（最後10分鐘先落）加數粒冰糖
把所有材料放到燉盅裏，當熱水模式完成後就可以放入蒸鍋，加入全脂牛奶至蓋過食材，設定50分鐘varoma速度1，剩下最後10分鐘加入杞子就完成了
食完花膠面膜都唔使敷😎