《黑松露蝦仁煎餃》小美打肉碎更衛生!
之前整過黑松露意大利飯，黑松露pizza，剩返D黑松露醬有咩搞作好呢？不如嚟個黑松露煎餃😬啖啖黑松露香嘅煎餃，外脆內軟，超香超好食😋 如果你食傳統餃子食到悶，不妨試吓呢個新配搭！絕對有煥然一新的感覺👏🏻
而且有小美機當然用到盡，連肉碎都自己打又點話😙現成買急凍肉碎或者豬肉檔的急凍肉碎部機都唔知有幾耐冇清洗，自己整當然可以做得更好👍🏻買完豬肉返嚟先跑活水清潔好之後再雪凍3小時以上，之後Turbo十幾秒就可以變成豬肉碎！偷偷話埋俾你知，用小美機打嘅豬肉更加好食，有手剁的口感喔😍
疫情底下大家最緊要身體健康，所以能夠食得安心好味又健康絕對係我哋嘅福氣🥰丸子媽都希望有幸將呢種福氣帶去香港每家每戶你哋嘅屋企，大家一齊共渡難關💪🏼相信我哋可以㗎💞
鍾意丸子媽嘅食譜大家記住俾個❤️你哋嘅支持係我嘅動力喔❗️
#小美打肉碎
半斤梅頭肉先放入網窩跑活水清潔，設定5分鐘/50度/速度5
完成後沖水洗淨抹乾，平放入密實袋冰箱雪凍3小時以上或過夜
(豬肉盡量不要疊著，以便打碎的時侯更方便）
急凍豬肉放入主鍋，盡量分開避免一大舊，更能保護刀頭！
用turbo功能2秒x5次打碎直至質感滿意！自己打肉碎衛生又方便，口感也更好喔！
準備70g急凍蝦仁洗淨抹乾切粒，然後加入適量鹽胡椒粉和油混合
加入主鍋，再加入竹筍或菇類切粒（如有口感會更佳喔）
再加入黑松露醬50g和半茶匙鹽，兩茶匙生抽，一茶匙生粉，適量黑胡椒粉
開啟麵團模式一分鐘混合，不費力氣一鍵完成！
解放雙手混合實在太方便了！
用大概半斤餃子皮包入餡料（有時間的話餃子皮都可以自製喔！ cookidoo 上有食譜的）
然後放入冰箱急凍保存
不用解凍,直接加油在平底鑊煎，三分鐘再加入適量水慢火煎焗即成！
外脆内多汁！超好食！